O ALUMNADO DE 4º REXISTRA O TEMPO

O alumnado de cuarto tivemos a sorte de rexistrar o tempo no pasado mes de novembro.

Cada día, antes de entar nas aulas, acudiamos á caseta meteorolóxica e apuntabamos os datos da temperatura do termómetro de máximas e mínimas, os datos da presión atmosférica do barómetro. Apuntabamos a porcentaxe de humidade que nos daba o hygrómetro e a cantidade de precipitacións que sacabamos do pluviómetro.

Cos datos recollidos elaboramos un climograma:

 

Este foi o resultado final:

 Durante o mes vivimos situacións extremas, como a chegada dunha borrasca procedente de Groenlandia que activou varias alertas en Galicia por ondas grandísimas, fortes ventos, elevadas precipitacións e salientable baixada de temperaturas , con neve no interior da comunidade. Xa máis avanzado o mes outra forte borrasca de nome "Cecilia" trouxo moitísimas precipitacións, que provocou o desbordamento de varios ríos e o que máis nos chamou unha amplitude térmica de só dous graos (Maxima 15º e mínima 13ª).

Aproveitamos para facer lecturas comprensivas sobre o tema, que gardamos no noso caderno de texto.

O mes rematou, e xa non somos nós que rexistra e acude á caseta pero seguimos interesados no tema. Cada día traemos novas sobre o tempo que vemos na tele, recollemos nos xornais ou observamos.

RECOLLIDA DE DATOS METEOROLÓXICOS

Durante os meses de marzo e abril, o alumnado de 1º estivo recollendo os datos da estación meteorolóxica. 

Atoparon todo tipo de fenómenos meteorolóxicos: chuvia, vento, sarabia, trebóns, arco da vella... Observaron tamén a lúa e aprenderon as súas fases.

Finalmente, rexistraron todos os datos no recuncho do Bibliocastelo destinado ás Meteoescolas. 

 

Gustoulles tanto observar o tempo que están desexosos de que a Meteocaixa volva ás súas aulas.

 

RECOLLIDA DE DATOS

Ao comezo de curso establécense quendas de aproximadamente 15 días cada unha para que os distintos niveis e grupos poidan recoller os datos meteorolóxicos na nosa garita.

A temperatura mínima e máxima, a pluviosidade e a velocidade do vento queda rexistrada no taboleiro que se atopa na entrada do colexio.

Eses datos anótanse despois na páxina de Meteogalicia para que quede constancia gráfica deles.

O ALUMNADO DE INFANTIL VISITA A GARITA

Os nenos e nenas de infantil visitaron estes días a garita meteorolóxica para tomar nota do tempo.

Comprobaron a velocidade do vento

Tomaron notas da temperatura mínima e máxima.

 

 

 

Foi moi divertido!!!

Por último, anotaron os datos recollidos no taboleiro.

AS METEOESCOLAS E AS MATEMÁTICAS

Despois de recoller diariamente na garita meteorolóxica do colexio os datos de temperaturas e pluviosidade e a partir dos rexistros de temperaturas, os rapaces e rapazas de 2º practicaron matemáticas calculando as diferencias entre a temperatura máxima e mínima, os números negativos e aproximacións decimais.Así, tamén realizaron pequenos problemas relacionados cos días e os meses: Que día foi o máis caluroso? Que día fixo máis frío?

RECOLLIDA DE DATOS

Estes días os encargados de visitar a nosa garita meteorolóxica e recoller os datos foron os rapaces e rapazas de 1º de Primaria.

"O TEMPO MADE IN BUEU" UN PROXECTO DE EXCELENCIA

O 17 de novembro varios mestres do CEIP P. A Pedra acudiron a unha xornada de formación en Meteogalicia, Santiago de Compostela.

Este proxecto vai máis alá da introdución de datos na rede de MeteoEscolas, é un proxecto multidisciplinar de meteoroloxía e climatoloxía, no que colaboramos por segundo ano consecutivo, dende todas as áreas do noso centro.

 

Nesta visita recibimos dous agasallos polo bo traballo feito durante curso 2015/16: 

• Un diploma á Excelencia, concedido ao noso centro, polas estupendas actividades que levou a cabo o noso alumnado e profesorado

 

• Un anemómetro  ou anemógrafo que é un aparato que se usa para medir a velocidade do vento e que xa ocupa o seu lugar na nosa caseta meteorolóxica.

 

Durante este novo curso escolar,  continuaremos traballando co noso alumnado neste proxecto,

A NOSA METEOCAIXA

Este curso decidimos elaborar unha METEOCAIXA para gardar nela todos os documentos que teñan que ver coas METEOESCOLAS. 

No seu interior podemos atopar a guía de traballo para o profesorado de MeteoEscolas e as unidades didácticas proporcionadas dende METEOGALICIA.

Ademais contén  un documento informativo con instruccións a ter en conta á hora de observar o tempo na Garita Meteorolóxica: como tomar as temperaturas máxima e mínima, como baleirar o pluviómetro ou como rexistrar os meteoros.

Este outro documento explícanos como e onde debemos rexistrar os datos observados: as temperaturas, a cantidade de chuvia e os meteoros

 A partires de agora a nosa METEOCAIXA rotará polos distintos cursos para indicar o turno de recollida de datos ao grupo que a reciba.

RECOLLIDA DE DATOS III

O alumnado de 4º tamén visita, nestes días, a nosa GARITA METEOROLÓXICA para recabar os datos  de temperatura (máxima e mínima) e pluviosidade. 

A continuación, anotan estes datos observados na ficha de datos meteorolóxicos correspondente.

Por último actualizan os datos da taboleiro cos datos recollidos.

VISITANDO UNHA ESTACIÓN METEOROLÓXICA

O xoves 3 de marzo o alumnado de 1º e 2º de primaria visitou nos xardíns do PAZO DE LOURIZÁN  en Pontevedra unha estación meteorolóxica moito máis completa ca nosa do cole.

 

Tiña BARÓMETRO para medir a presión atmosférica, varios ANEMÓMETROS para medir a velocidade e o caudal do vento e tres PLUVIÓMETROS para recoller a auga da chuvia.

 

Explicaronlles que a recollida de datos faise de maneira automática e chega diariamente a METEOGALICIA.

RECOLLIDA DE DATOS II

Nesta quenda é o turno dos rapàces/as de 5º, todos os días á hora de entrar ao cole acompañados polo seu titor/a visitan a GARITA METEOROLÓXICA para recoller os datos.

Despois anotan estes datos observados na ficha de datos meteorolóxicos correspondente.

Por último actualizan os datos da taboleiro cos datos recollidos.